Accipe sal armoniacum, alumen de plumo siue tartarum vini albi, sal commune, omnia equali pondere absque tartaro de quo pones amplius: predicta omnia bene puluerizata pone in crucibulo cum metallo dealbando, et fac bulire cum aceto fortissimo per horam, modicam mouendo cum baculo ferreo. Postea metallum sic bullitum in aqua laua frigida et absterge cum panno lineo et erit lactei coloris. Sed oportet quod predictum metallum sit purgatum et haberit medietatem sui de argento bono.