Wiltu rote farwe machen, so nem eynen toph, der da nuwe si vnnd vormach den vssewendig wol mit miste vnnd sezce en of of eynes kannengisers ofen vnnd tu blie in den toph also veil also wilt vnnd mache für in den ofen vnnd rure es wol mit eyme yserne leffele vnnd borne es also lange, bis daz es geil faste werde, so rip es denne of eyme glaten steyne vnnd wasche es wol mit wasser vnnd lege es denne aber in den toph vnnd borne es bas vnnd rure es mit deme leffele, bis es rot wirt, so rip es denne aber of deme steyne vnnd wasches aber, darnache lege es aber in den toph vnnd mache eyn cleyne für vnnd es wol, so wirt es rot also eyn für