Schutt gelb:
Nim gelb blumen, zu latein genant Flos cinctorius, daß sind gelb blumen so die ferber brauchen, nims mit stengel und blumen, als mit einander, wie viel du wilt, Mach ein kalck wasser, thu das lauter rein kalk wasser ab dem kalck uber die blumen in einen kessel oder grossen hafen, las es also wol sieden, das die gilb wol herfür komme, thus den ab dem Feuer, und laß es ein wenig uberschlagen darnach gieß es durch ein sack oder tuch in ein saubers glaß oder geschirr, das kein kraut oder blumen mehr daran seÿ Nim den wol geriebene kreuden, und mach einest soviel, wol gerieben Alaun darin, Rure es wol durcheinander mit einem steklin, und hab gut sorg, das es dir nicht uberauß steig den die keid und Alaun treibens hefftig, las es also stehn, so wird das wasser lauter, so bald sich die Substantz wiedergesetzt, so geuß das wasser oben ab, bis du zu der farb magst kommen, die nim den und düre sie, Reibe sie an wen du es brauchen wilt mit Alaun wasser oder dinnem leimwasser.