Hauß Endich ein ander stück.
Nim kerngernten beer ein kübel voll, so sie wol zeitig seyn, zerstosse sie ein wenig, thu sie den in ein kessel, geuß daran Vier maß lauter wasser, und ein maß gutten weissen wein, laß es sieden, wens wol erwallet ist, so geuß den darin dreÿ lot wol gestossenen Alaun, laß es den wieder erwallen, hebs darnach vom Feuer, laß es uberschlagen, seig es darnach oder streichs durch ein sauber tuch in ein saubern kubel, Nim den wieder vier lot wol gestossenen Alaun, schuts darin, und rurs wol durch einander, Geuß den die Farb in zwo oder dreÿ blasen, henck sie auf an den windt ein Monat, das sie fein dick wirdt, so hastu guten Hauß Endich.