Wilt du machen gut helffenpeÿn trinckfas aus aÿerschallen als vil du haben wilt vnd czu stozze in eynem mörser wan sÿ dan cleÿn gestozz seÿn so scholtu si in eyn pek tun vnd wasche si vncz daz sÿ lawter werden vnd tu si dan an dÿ sun wizz si wol trukn werden vnd tu si dan in eÿn hauen vnd vormache den hauen wol lutum sapiencie vnd laz in dem trukn werden an der sune vnd las dan prennen in eynem zigel offen als lange dÿ zigel prenen vnd laz sÿ dan trukn so nÿm dan ayer clar vnd mach dÿ lauter mit eynem pad swam vnd temper dÿ materia do mit daz es czu eynem teyge werd vnd laz dir machen eyn form wÿ du haben wilt vnd slag den teyg dor vme dÿ form vnd laz in truken vncz er truckn genunck seÿ vnd czu eynem peÿn werd so laz dirs dreen bÿ du haben wilt