Si vis colorem j quod de penna transit sicud aurum Nym ein totter vil oder wenig dornoch du wilt vÿl oder wenig scriben vnd tu dÿ yn aÿn glas vnd bedeck daz gar wol oder vorstos daz wol mitt eynnem wÿssen daz keÿn luft dor eÿn müg ader dor aus kummen vnd heng ez ÿn den rauch ader an dÿ sunne zo lang wicz ez czu maden werd waz ÿn dem glaz yst zo nÿm dan czukker den stoz gar kleÿn vnd wurf iz dan ÿn daz glaz vnd tu auch honig dor czu hostu dan nicht czukker so nÿm waiczzin mel et hoc fac per 14 dies vnd gib ÿn nicht mer czu essen vnd laz is alzo 14 tage sten zo frist aÿn mad dÿ ander in 14 tagen vnd wirt dan czu aÿnem grossen moden den selbe mad nÿm vnd stich zi mit ayner nadel vnd waz dan aus ir get daz temperir auf eÿnem steÿn mit gummi arabico alzo eyn varb vnd trucken iz in der sonne vnd wen du dan schreyben wilt zo teperir iz mit gummi arabico vnd laz iz trücken werden vnd reÿb is slechte iz wol mÿt czanne zo wirt iz aber schön als golt