Wiltu wissen wy man dy varb wider bringen schol auf seyden oder auf sammat oder auf guldein tucher dy begossen werden daz sy fleck gewinnen So nym pach wasser vnd geuz ez auf dy fleck vnd leg iz an dy luft do dÿ sunne nicht hin kumen mag vnd laz ez treugen zo wirt ez wider gut etc vnd ab daz nicht hülf zo nym kirs harcz alz dy bawm alrest vorpluet haben vnd derre daz gar wol an der sunne wenn dir sein dann not ist an seyden an sammat oder an guldein tucher zo tu daz gedort harcz in einen mörser vnd stoz daz gar clein vnd nym dann daz weys eines eys vnd slach daz gar rein vnd misch ez mit dem harcz vnd nym dan ein feder vnd streych ez auf dy ez sey auf seyden oder sammat oder guldeine tucher dÿ werden czu hant schön vnd rein vnd fein alz vor