Wildu machen da du kalt mit verczinest zo nim alun alz vil du dez haben wilt vnd czu stozz sÿ chlein czu puluer vnd leg sÿ auf einen helen stain in einen warmen keler vnd secz ein glaz dor vnder so seiget ez in daz glaz vnd waz du wilt verczinen daz schol vor geleüter sein so scholt du dann daz wasser dar an streichen vnd laz ez dan truchen werden beÿ dem fewr vnd nim dann quecksilber ij taÿl vnd czin daz drittaÿl vnd czulazz daz peÿ dem frewr vnd wirff daz quecksilber dar vnter vnd geüz czvnn laz ez kalt werden vnd stozz ez in einem mörser vnd reÿb ez chlein vnd streich iz dann an dÿ do du daz wasser hin gestrichen hast so wirt ez schön verczint vnd ist ewig etc