De modo faciendi ceram rubeam albam nigram et viridem
De Rubea
Recipe Cinobrii bene triti. picis rubee ana partem i. Cere noue partes iii Confice sic. Ponantur cera et pix in cacabo vitriato super carbones ignitos. donec simul liquefiant. et reiciantur interim cum spatula feces picis que in fundum cadunt. vel quod melius est colantur per pannum lineum Et tunc si necesse fuerit iterum liquefiant et non bulliantur. Et sic remotis hiis ab igne. permitte aliquantulum rifrigidari. ita ut digitus in eis sustineri possit. et tunc addatur cinobrium. et ultimo sagimen et moueatur continue cum spatula. donec incipiat inspissari et tunc infundatur testis paruis ad hoc aptis prius inunctis cum sagimine vel auxugis. Item per una libra monacensi Recipe sagiminis unciam dimidiam vel paulo plus