Wiltu nu eyn schon blau tinten machen tzu corperieren
(addition: du machen den selben azur in wasser legen und luuck geteigt )
So nym blaû lausur das kleyn sy gemalen und du es in eyn reyn nuschlin und guß uber das lasur eyn kleyn wasser und das wasser under das lasur das es werd als eyn teig und guß denne ie lougen uber das lausur und zertrib das lasur mit den finger wol under eyn ander und laß es eyn wil stan undz daz lasur zu boden gefallen und guß die obresten lougen dar ab und du aber mer schoner lögen/lougen dar uber unnd rur es aber mer mit eym finger under eyn ander und laß es aber stan als vor und das du dry stunt biß es luter werd zu dem vierden mal so guß schon wasser (//f. 3r) dar uber in die muschel und zertrib es aber mit dem finger als vor und laß es aber stan biß das die lasur zu boden gesitze und seyge das wasser als ab biß das numme wassers ob dem lasur seige Nu nym das lasur uß der muschelen und du es in eyn reyn horn unnd guß des ersten wassers in das horn ein wenig nit tzu vil das es eynes vingers hoch die breitte ob dem lasur ( addition: …pergato lasüre et …ista flore sicacet melli) stand und nym drey tropffen honig und das ie der tropff sye als eyn walsche erwis (und mach och ij guttam …impone) dis rur alles sament under ein ander mit eynen reynen hultzlin und duncke die feder dar in und versuch ob es uß der feder gee Hie nym eyn wortzeichen ob der tinten recht sy oder nit wenn man die tintten wol ruret und under ein ander wol geruten wirt und dar nach eyn wyle blau blibt
( addition: guetle zu welcher farwen blywiß kunnpt die ist nummer durchlauch uff golt ader of silber)
(//f. 4v) das sy nit bald tzo boden vellet so ist der tintten recht wenne sy aber nach dem ruren bald tzo boden sitzet und nit gern uß der federn wil gan so ist der tintten tzo kranck so sol man dar in legen gummy arabicum als gros als ein walsche erwis und noch ein tropffen honigs und wenne das gummi tzer get so ist die tintten gerecht. Hie mercke wenne die tintte wol gerurt wirt und do mit geschribest unnd gat die tintte gern uß der feder unnd werdent die buchstaben schon glich blaù so ist die tintte gerecht an allen dingen werdent aber die buchstaben bleich und nit schon blau So ist die tintte tzo dunne unnd het ze vil wassers so la das horn stand und beweg ein ganz stund des lasurs nit bis daz (//f. 5r) es sich wol tze boden gesetze So guß des obresten wassers ein klein dar uß in der maß uff dry tropffen und rur eß under ein ander und schrib do mit so wirt sin recht