Hie mercke uff licht röslin varwe sol man schetwen mit endich das stat ze gelicher wiß als gel engel sein man sol och mit endich schetwen uff licht blau lasur das stat gar zierlich wol
Man sol och schetwen mit öger mit gelutterm wisse Uff zinober unnd uff menige sol man schetwen mit sattem röslin
Uff licht röslin sol man schetwen mit paris rot
Man sol och uff paris rot schetwen mit viol varuw
Uff sat blau lasur sol man schetwen mit endich oder mit sat blaüer tuch es varuw (// f. 8v)
Uff licht grun sol man schetwen mit sal lob gruner varuwe oder off gel sol man schettwen mit lobvaru grun oder mit röselin oder mit parys rot
Hie mercke eben alle die varuwem mit den man schetwen sol die sullen sin uniermischet unnd satte von in selber
Hie mercke alle die varwe die man lichter haben wil den sy von in selber sint under die sol man mischen blywiß als groß als eyn erwis und temperier das under ein ander undz das im recht werde