Wiltǔ nůn daz bermet schon fin grǔn verben das man dar dǔrch sicht wan man wyl als durch ein schon glaß
So nim spangrǔn als vil dǔ wilt und rib das grǔn gar wol mit essich und misch dar under des grunnen da mit die seckler in leder verbent und diß (Saff grǔn) ij grůn temper under ein ander das es ze dick noch ze dunne sig dar nach nim das gewaschen bermit und netze das berment in die varwe zǔ beiden siten wol und laß es also ligen in der varwe ein nacht dar nach swencke daz bermit in kaltem wasser und spanne das bermit gestreckt ǔff ein ram und laz es wol trǔcken werden dar nach nim lutern virnis das uß mastickel gemachet und mit dem selben virniß ǔber virnis daz bermit zǔ beiden siten biß das ez wol (//f. 23v.) glantz wird dar nach so setz ez an ein heisse sonnen und laß daz bermit gar wol trǔcken werden dar nach so schnid daz bermit glichs uß der ramen und mach dar uß drie stǔck ader iiij als bret als du es haben wilt und lege diß bermit in ein buch oder in ein preß das iß schlecht blib