Wildw gutte perlen machen dÿ nyemant verwerffen mag So es aller haissest sey in dem sumer so nym der muschel pey dem wasser ein viertail ii tail der schnecken haus vnd seud di wol vnd zeuch di ausser graben haut ab darnach terr sy vnd stos durch ein ander in einem morsar vnd wasch das puluer gar schon vnd lass geuallen vnd trucken es schon auf ainem tuch an der sun vnd thue darnach yn einen newen hafen vnd vmbstreichs mit luto sapientie vnd las den hafen ertrucken an der sun darnach secz In in einen chalich offen vnd pren in als lang als der kalg print darnach prich den hafen auf vnd nÿm ein weiß aus ainem aÿ vnd thue das in ein peck vnd mach ein dicken tag vnd das dir di hend sauber sein darnach mach In der hand perlen chlain vnd gross vnd nÿm ein Swein porst vnd mach löchl dardurch weil si waich sein vnd leg si auf ein schonz pret vnd schau Das chain wasser dar zw chöm vnd polirs in chöch silber ij oder iij stundt so hastu veine perlen