Item zw plaben czwirm
So Nÿm swarcz per vnd atich per vnd ters an der sun vnd Nÿm ein saubers hefen vnd waischs in rainöl vnd in essig hastu sein nit genug so nÿm wasser vnd wan si waicken vber tag vnd nacht so zerreib si vndern henden vnd seichs durich ein tuch vnd leg de czwirn in di varb di durich das tuch gangen ist vnd Nÿm grunspat vnd alavn di zerstoss vnd saess darauf vnd rürs durich ein ander Oder wildw In liecht machen so Nÿm gruen spat dester mer Wildw In tunckel machen so nym alavn dester mer vnd reib in czwischen den henden aus der varb vnd in ein gutte chalg guess vnd zuck in pald wider heraus vnd reib si wol aus dem czirn wider vnd palder sunst so wirt ez gancz faul