Diß sint die doten varwen dar vff man schettewet vnd och verhöhet

Diß sint die doten varwen dar vff man schettewet vnd och verhöhet
Blo daz vast lieht ist Mynge die lieht ist Rosel daz lieht ist Berg grün Sschiffer grün Purpur Aaurum musicum Blý wiß Bblý gel
Disse varwen alle súllent ir anstrichen vff daz dúnest daz ir kúnen das es doch ein gancz varwe sy vff gestrichen
Ouch súllent ir alle varwen zü mol wol riben die zü riben sint also do do vornan stot
O(u)ch súllent ir mercken daz die varwen wol temperieret sigent mit dem gummy wasser nit zü starck vnd och nit zü kranck
O(u)ch sillent ir alle varwen vff tragen / anstrichen / schettewen / vnd verhöhen mit dem bensel / an in feldung die súllent ir anstrichen mit der federn vnd verhöhen mit dem bensel / Sust alles löpp werck oder blumen werck mit eim besel groß vnd klein
Och sullent ir vff kein varwe schettewen oder verhohen der vndertragen sy danne zü mol wol trucken werden daz kein varwe in die ander gange
Och súllent ir kein varwe anstrichen ir habent denne die varwe Dorhien wol durch neczet vnd wol durch naß sy in der dicke also do vor geschriben stot
Merckent das ir daz gummy wasser nit zü starck machen súllent vnd súllent es och alle zit suffer vnd rein halten fur stöpp vnd nit decken es