Die ander feldung

Die ander feldung
Dis ist die ander feldung die sullent ir lingieren anstrichen vnd vergulden also hie in dissen zweyen ringen stot
(model)
Dar noch strichent es an mit satt rösel also hie stot úber ort ie úber eis mit einer federn
Und dar noch aber úber ort mit rösel gegen dem andern also ir daz in dem andern ringelin stat hie nehst vnd súllent ie fúnff bliben ston
(model)
Dar noch so strichent sie aber an mit blo. rot. vnd / grün vnd mügent sie teilen wie ir wellent also ym ersten ringel stott
Und dar noch so durchstrichent es mit swarczen also die forder feldung vnd in die blowen / roten / grünen / swarcz crucz dar in also in dem andern ringel
(model)
Dar noch so machent in die blowen / roten vnd grünen in iegelichen röselin also in dem nehst ringelin hie stot mit bly wiß
Dar noch machent daz rösel mit túpffel mit mynge also hie im andern ringelin
(model)