de eadem ex markasita
Wildu machen silbrein geschrift Recipe markasitam argentheam vnd reib das mit wasser gar wol vnd klain so es wol geriben ist so tů es von dem stain in ain schon groβ muschlein vnd geuβ sy vol wasser vnd ruer es mit dem vinger wol vnder ainander (// f. 17r) vnd laβ es ain wenig zw poden siczen vnd geuβ dann das obrist wasser darab vnd tů ander wasser darein vnd ruer es aber durch ainander als vor vnd laβ es aber ain wenig siczen vnd geuβ das wasser aber ab hincz es lautter werd vnd nym dann wasser von gummi arabico ain tail vnd das ander tail gemain wasser vnder ainander vnd temperirs in der dick als ain rubrik vnd schreib damit was du wild vnd la das truken werden vnd pranir es lindleich mit ainem glaten wolfzand so wirt dy geschrift schon vnd glancz vnd silberrat