Vil dw nw vein gold floriern das es alzo stett gleich alz ain gold auf daz ander sey geflorird So nym gumi aromaticum alz zwo arbaiz groβ und sneid daz zw chlain stukchen und gews weissen essich dar under in ain muschel und laβ uber nacht sten zw waikchen und seich den essich oben hubschlich ab und nym das gewaikcht gummi und reib daz auf ainen stain gar chlain und temperirs in der dikch alz ain rubriken mit eytelm wasser und thue ez dar nach in ain muschel und florier da mit mit gold daz stet gar zierlich und schon