Item das dritt wie man gold und silber auz der feder schreibt Nym in der apoteken punicem romanam und reib daz auf ainem reibstain gar chlain mit gemainem wasser ain tail und gummi wasser ain tail ains alz vil alz des andern und temperirs under ein ander in der dikch alz ain rubriken und schreib da mit was dw wild und wenn daz gar wol trokchen ist so nym ain gold und reibs auf dy geschrift gewandleich wiz dy geschrift uberal gold varib sey warden dar nach nym ain gelaten zand und ubevar dy geschrift auch hubschlich uberall und daz sy schon und glancz werd