Einn andre plabe varb zu tuch oder zwierm so nym schwarcz per als vor geschriben stad vnd zetreib sy mit den henden vnd spreng gestossen alawn dar auf vnd salcz vnd gestossen kupfferschlag vnd rür es durch ein ander vnd tuo es in ainen verglasten hafen vnd teck es wol zu vnd wehalt es in ainer wirm vnd wann du varben wild so nym der varb also vil wassers vnd laß es syeden in ainem kessel vnd laß es nit vber gan vnd tuo dar ein galiczenstain der wol gestossen sey das ist verttriol dar nach leg das tuch oder den zwierm in die syedenten varb vnd rür es mit ainem holcz durch ein ander in dem kessel vnd laß ain gute weyl syeden dar nach schwencz es aus frischem wasser vncz nit mer trub dar aus gee vnd laß es trucken werden an ainer sunn