Wildu gelben czwirm oder garnn verben es sej wullein oder leinein so nym wild affalter rinden in dem merczen oder mayen die weyl si safft haben vnd schel die oberen rinden da von vnd laß si durr werden vnd wehalt sy wie lang du wilt wann du verben wilt so zerprich die Rinden zestucken vnd leg sy in ainen kessel wie vil du ir wedarft vnd ain wenigen gestossen saffran vnd geus laug dar an die rinden geleich vnd laß halbs ein syeden vnd tuo die rindten dar aus vnd tuo gestossen alaun darein vnd laß den zwierm oder das tuch dar inn ligen tag vnd nacht darnach laß es trucken werden an dem lufft so ist fein gel