Wiltu aurum musicum machen so nÿm quecksilber czin auripigment und salmiax Des quecksilbers zwaÿtail und des zins ain tail und auripigmentum zwaitail Salmiax ain taÿl zer laβ das zin und tů das quecksilber darein und tů das auripigment auch darein und tů das salmiax zeriben auch darein und růr es vast umb und tů es in ain clain gläβlin und umb mach daβ gleβlin mit ainen taig der mit creiden und mit aÿr dar gemacht sÿ und wenn das selb drucken so mach ŭber das selb ain kütt mit lett und lauβ es auch drucknen und lůg das es nit zerkloben sÿ und secz es zů ainem fuir und laβ es prÿnnen als lang pis ain gelber kauch davon gat und wenn der rauch davon vergat so ist es prunnen gnŭg So behalt es dann und wan du es nuczen wilt so tů ain wenig gummi wasser daran so ist es berait –