Item wiltu machen gold damit man vergŭlden mag so nÿm ainer schwarczenn hennen aÿ und mach es dŭrchel an ainem ort gar wenig und ginβ das wasser daruβ und laβ den dottern darjnne beleiben und gĕwβ gleich als vil quecksilbers hin wider ein als des weissen ast gewesen und vermach das loch mit wachs und les eg underain průthennen und laβ gleich als lang under ar ligen als dise aÿr so průt sich der totter und das quecksilber under ainander und wirt gleich als gůt als zerlassen gold dann (// f. 61v) das er dick ist / Das nÿm dann und reib es mit visch gallen oder mit augstain der gel ist und mit dem besten den man vinder kan und mag uncz das gleich dŭnn werd das man damit schreiben mag und wirt schön guldin geschrift man mag auch darmit vergŭlden und malen was man wil das es nÿemant erkennen mag von anderm gold