Ad faciendum Yndich
So mach dÿ laug also Nÿm vngeleschetten kalch vnd thu in in ainen hafen da sex oder acht maβ eingien vnd thu in halben mit kalch vnd geuβ dar an basser vnd henck den dar ein ein büllen endt vnd secz den dar vntter ein ander hefen so zeuch das basser als her auβ vnd nym den ij liber waid aschen zu ainem liber bol vnd seud sie als die voringen laug gesoten ist borden vnd nym satblabi bol vnd seud sÿe als lang vncz das dus mugst zetreiben auf der hent als ein farb vnd sie des ersten in ainem grossen hafen dar nach in ainem klainern vnd seud sie nur mit der laugen vnd ben sie nu gesoten ist so thu sÿe her dan vnd laβ sie derkalten vnd seihe si dan durch ein tuchlein oder zipfflaten sachk der oben beit seÿ vnd vnttern eng vnd heng In an ainen nagel vnd laβ sie selber auβ seihen oder triffen
vnd ben sie nu auβ troffen ist so thu si auf ainen stain vnd reib sie bol vnd see gar klain dez santstain dar vntter vnd reib sie aber bol vnd mach den dar auβ kugel vnd laβ sie drucken
wen du die bil nuczen so leg sie in ein basser vnd reib die bider vnd ben du bild bissen ob die laug sidens genuck hab so stoβ ein rauhe federn darein vnd seuch sie herauβ let si das hare so ist sein genug let si sein nit so seud sie bider