Item eyn Lazurium zu machen Recipe fryß wasser pfannen vnd thu darin alum vnd las in dar in soluiren nim in woll dar nach so thu dar in de vogelber wylt per winta vnd wann eyn vol ader zwo ober de ber ist gangen so thu sy auch heruß in eyn schussell dan so hab in eyner anderen schussell eyger schallen von roen eyerschallen der da klein gepuluert ist vnd schut die warb dor in In de eyger schallen so hept sich de farbe vp vnd wurfft eyn schmym off den selben schawm thu in ein duch vnd swenck de fuchtickeit doruon in dem duch Dar nach Recipe daz duchlin vnd wurff aschen off daz duchlin Dar vmb daz die fuchtigkeit her uyß kompt dan so thu die Lazur In einen tzenen schussell vnd reich° de fuchtigkeit doruon dan so Recipe in wasser dar In salarmoniaci gesaluret ist vnd daz selbig wasser guß off de lazur daz sy weder fucht werde dar van enpfecht sy de varbe vnd truckent iß weder mit der asschen als vor In der schusselen vnd har iß nox varb genoch so gyff eym wedre salormoniaci wasser als vur biis sy schon wyr dar nach so purgir de lazur ader swem sy in einer swasser so legt sich de lazur an den boden vnd de vnreinnigkeit schwimbt en bor probatum van dem kanzler van Lutringen