Item Schone schvarch vff
Schone svarcz nym viel vnd guß essigk daran vnd seude das vnder enander vnd thu alün dor an vnd las is siden das wirt schone svarcz varbe vnd domete verbet man Allerleye tüch vnd garn das wirt schone swarcz
Item mache groß licht von vnslichte in eyme tigel vnd czunde das an vnd spalt eyn stebil vff vnd thu wirouch dor czwisschen vnd halt das vnde eyn becken ader sturczen is dor über vnd burne den wirauch in dem Lichte zo wirt rüs an dem becken den strich denne abe mit eyner feder vnd neym harcz von arabia vnd lege das in wasser das is czü gehe vnd missche das denn dor vnder das virt schone frümde varbe do mit magstu verben vas du wilt
Item neym blawe side vnd stos sie in die selbe warbe die wirt noch setter