Item wy mann cinnber macht
Also mache zcinober nym zwy teil quegsilbers vnd eyn teil swebels vnd czu reib den swebel kleyne vnd zcu los en in eyner pfannen vnd thü das quegsilber dorÿn vnd rure es mit eyme ysern scheüfflyn alzo lange bis das du nymme quegsilber bekendes dor ynne sist Szo laß iß kalt werde, vnd reib eß ober cleyne vnd nym eyn glaß mit eynem cleinen halße vnd becleibe das vmmeher eynß fingerß dicke, mit luto sapientie, vnd laß eß wol trugen bei der sonnen adder feur vnd fulle eß das dritte teil vnd setze eß auff vnd gib Im eyn cleineß feur eyn halben tagk. Dor noch mach eß grosßer biß du sihest daz rothe flammen erauß gehen zo ist seyn gnugk / wan du daz achteil sal armoniacum do zu thuest ßo wirt lasur do von