Wiltu gold malen So schlag daz gold dinn vnd glieg es alwegen vnd zerschnid ez klain / vnd segs mavl alß vil kecksilber alß daz gold wigt vnd tu es vnder ain ander in ain tigel / vnd mach ainen nuwen tigel fure rot In ain kuol fur on plavsen vn schutt daz kecksilber mit dem gold ains mavls dar in vnd ruor das mitt ain klain wenig keln vnd schutt es in ain luter wasser vnd truck es in ain barchat tuoch vnd wen du daz wasser an wild strichen so werm daz wasser vor hin ain wenig / vnd strich dann an / vnd lavß es trucknen / vnd strich dann daz puluer gold dar vf / vnd lauß dann gemach trucknen etc