Wie man wavfen hertin söl vnd die hertin erkennen alkain sagt daz die erst hert deß stahels aller maist ist in dem kalten wasser vnd ist gemain Die hert soltu also erkennen wann die schmidt plaw ist so havt es die rechten hertin In lauen wasser werdent die linden schmiden So man In saich hörtet oder in linöl oder in bocks bluot die hamer So man filen oder geschmid mitt hauet da mitt man stahel schroten sol nim ain tail rädrich vnd ain tail merrädrich vnd ain tail regenwurm ain tail engrich vnd ain tail bockbluot wann der in der brunst gant Stoß daz alles vnder ain ander vnd truck daz wasser vnd waz dar in ist suber vß in ain geschier hert dar in waz du wilt doch schlif es vor hin ee vnd du es hörtest etc