Hie vachet an ein bewerte edle kunst vnd nüczliche wie man sol ferwen lini tu(o)ch wullin tu(o)ch faden garn mitt allen farwen die da gerecht sind vnd wie man sÿ zu(o) venedig ferbt
Item zu(o) dem ersten will ich leren wie man die beÿsse machen soll da mit man alß garn vnd tu(o)ch beyssen soll das es die farbe behalt vnd nitt abgang
Item man soll nemen zu(o) dem ersten vj maß regen wassers in ein kessel darÿn ein schissel vol ruckmer kleÿwen vnd zertribent das wol vnder einander mitt einem löffel vnd land daß wol erwallen vnd tu(o)nd darin v 1/2 lott alandt vnd iii lott winstein vnd daß land alles wol erwallen in dem regenwasser vnd sichend darnach die beÿsse durch ein tu(o)ch daß linin sy vnd tu(o)nd sy in ein reÿnen hafen vnd deckend den hafen wol zu(o) vnd seczend den an ein warme statt xiiij tag so vergistt die beÿcze vnd ist gu(o)tt vnd waß man mitt diser beycze neczet es sÿ tu(o)ch oder garn daß empfacht die farwe schon vnd gatt nitt ab waß man ferwen wil daß sol man vorhin in die beÿsse lassen erwallen vnd laß es ligen in der beysse ein nacht vnd windent die beÿsse wider daruß vnd henckend das vff vnd land eß wol trucken werden nach der beÿsse so ist das garn wol bereit zu(o) der farwe wie es sin sol