Rossÿnn farbe
Nim Starckenn essig ader weÿnn So vil du wilth thu gestossenn alaun darin beÿ eÿnem 1/2 pfunde in 3 masß weins vnnd wenn der alaun zergangenn ist So mach daruon eÿne lowen vonn kalck, das Sie Starck vnnd dick Seÿ nim dann j pfund preßilgen Holcz thuß in eyn guth thuch hencke es in die laugenn laß eyn tagk vnnd nacht stenn druck dann das Safft erauß henckes wider In die lauenn laß es aber So lannge sten Drucks widerumb auß, daz thu zum drittenn vnnd virdenn mol, wan du dann die bestenn farbenn zum 4 mol hast außgedruckt So Seudt Sie eyn wenick vnnd thu gumi darein 2 loth vnnd laß es kalth werdenn So hastu eyn guths roßin farbe etc.