wie du alle varbe temperieren und riben sullent etc

Blo sullent (sullet) ir nit riben, es sy dan gar grop, ist es gropp so ribent (ribet) es uff eim ribestein der vast glatt sy odir uff eim glase odir uff eim marmelstein also Nement (nemet) daz (dz) blo und (un) legent (leget) es in luter lauge uber nacht odir ein stunde (stude) odir zwo und ribent es dan uff ein stein an die lauge mit eiges dotter dar nach so floβent (floβet) es recht wol mit laugen (lauge) odir mit wiβsem (wiβe) win odir mit luterm wasser (wasβ) und lant es dan trucken uff ein bappier edir sust in eim trucken geschirre so ir es luter (lut’) und schon und trucken ab gefloβent (gefloβet) hant und dan so nement (nemet) luter (lut’) gummy (gumy) arabicum (arabicu) wasser do mit temperieren (tempieren) daz (dz) es gerne
Usser der federn gange daz gummy (gummy) wasser (wasβ) sal luter (lut’) sin daz (dz) es wedder zu dicke nach zu dunne (dune) sy und wedder (wedd’) zu starck odir kranck sy Also daz (dz) es wol habe und auch nit zu glancz sy daz (dz) blo sol temperiert (tempiert) sin daz es gern usser der federn gange und usser dem bensel und wil es nit gern dar uβ gan so nement (nemet) ein wenig zugker candit do von (vo) get es gern uβ dem (de) besel