Wie man wider pringt farb auf rotem, prawn oder (// f. 10v) (?) gewant, das begossen ist mit wein
Item wiltu wider pringen varb auf rotem, prawn oder roβin (roβni) gewant, das begossen sey mit wein oder mit harm, so nym einen kalck, der abgelescht sey vnd thu den in ein new hefelein vnd geuβ ein fauls waβer dar an vnd laβ es sten ij stund vnd rür es durch ein ander, das thu drey mal vnd laβ den sten ein halben tag vnd das selbig waβer vnd necz die fleck da mit, slecht du, das es scharpf wil sein, so nym des faulen waβer mer dar zu, wil es aber die fleck nit her auβ prengen, so nym des kalckes mer, so wirt es scherpfer vnd necz die fleck wider da mit vnd henck das an den luft, das die sunn nit dar an scheint, so wirt es gut