Wie man mit wollen auftrückt
Wiltu auf trücken mit wollen, so nym scher wollen von den tuchscheren vnd seud die in weydaschen, welcherley farb sie sey. Nym zu einem pfunt wollen iij pfunt weytaschen vnd zer stoβ in gar klein und thu in yn einen hafen vnd geuβ ein waβer dar an, also vil, das du die wollen dar ynnen mügst netzen vnd setz in zu dem fewr vnd laβ es gar wol syden einen wal oder zween vnd setz es denn her dan vnd laβ es gefallen vnd seyh das wasser herab durch ein tuch vnd geuβ es in ein andern hafen vnd setz es wider zu dem fewr vnd loβ es syden vnd thu die wollen dar ein vnd laβ sie gar wol syden vnd rür sie ymer dar vnd wen sie knodlet wirt, so versuch sie zwischen dem finger vnd wenn du sie mit dem nagel von ein ander (// f. 17r) sneidst, so hast sie sein genung vnd thu sie pald her dan vnd seyh die laugen herab vnd geuβ ein kalt wasser dar an vnd pall sie gar reinlich dar auβ vnd setz sie an die sunnen oder in ein warmen stuben vnd laβ sie durer werden vnd stoβ sie an einem morser vnd red sie durch ein pfeffer sib vnd waβ da hyn durch felt, da drück mit