Wie man grün scheter oder leynbet ferbet
Wiltu guten grünen scheter oder leinbet ferben, so nym scarten, das ist ein langs kraut, do die ferber die grünen tuch mit ferben, zu funf elen also vil du zwischen zweyen henten magst gehaben vnd weich die in ein waβer vnd loβ sie styn über nacht vnd nym denn einen saubern kessel oder einen hafen vnd geuβ mer wasser dar an also vil, das du die leymbat darynnen geneczen mügst vnd loβ es wol syden ein stund vnd nym den j firdung spongrün, der klein gestossen sey vnd schut in dar ein vnd loβ es einen wal thun oder zwen vnd seyh die farb herab durch ein tuch vnd nym denn ein liecht plobe leynbet, die nit mer denn ein fart ein gestossen sey (// f. 33r) vnd deuh sie dar ein, die weil es heyβ ist vnd wasch sie gar wol dar ynnen vnd loβ sie dar ynnen ligen ein halbe stund, so wirt es gut frun