Wie man kupfer verguldet
Wiltu kupfer vergulden, so nym ein ort eins gulde, das slah gar dünn vnd sneyd es klein, dar zu nym ij lot kweksilbers vnd nym ein tegelein als die golt smid haben, das loβ heyβ werden, das es glü, thu die matery dar eyn vnd smelcz es gar wol durch ein ander vnd los es kalt werden; darnach nym ein steft, der versilbert sey; dar mit trag die matery auf das kupfer vn dlos es heyβ werden ob dem feuer, das es ein farb gewyn. Darnach seud es in pruntzwaβer vnd mach es reyn mit einer kratzpursten vnd gib im ein farb ob dem fewr