Wie man gülden feden prennet von gulden porten oder gülden tucher
Wiltu gulden feden prennen von golden porten oder von gulden oder sylbren tuchen, so leg sie yn einen hafen also trucken vnd setz sie mitten in ein feuer vnd los sie darynnen sten die weil sie richen, vnd wenn sie nymer richen, so haben sie sein genung. Und so nym es her auβ vnd wasch die usel dar von in einem waβer vnd los es trucken werden