Wie man menig mach
Wiltu menig machen, nym pley vnd zu laβ das in einem hafen oder phannen vnd gib im ein gut starck fewr vnd bewege das mit einem eyβren loffel hyn vnd her, so wirt das pley algemechlich zu aschen, vnd wenn das als zu aschen wirt, so thu das her auβ vnd laβ es kalt werden vnd rede die durch ein klein vnd enge (//f. 47r) syp vnd das grob, das in dem syp bleypt, thu wider in den hafen vnd thu als vor, das es zu puluer werde vnd rede das selb puluer vnd reyb es gar klein auf einem stein mit wasser vnd mach es als ein teick vnd lee es ynn ein hafen vnd vermach wol den hafen vnd gib im zu erst ein klein fewr, vnd ye lenger ye grösser eyn halben tag vnd dar nach thu das her auβ, vnd wenn es kalt ist worden, so rit es wol vnd prenne es noch ein fart als vor vnd dar nach finde (st) du gut menig. Wiltu aber die bley eschen nit reden, so flöcz sie alles die laussur, alles vorgeschriben stet