Varb zu gemoltem glaz
Item ein varb zu machen, do mit man das geferbte glaz auβ streich, es sey geverbts oder weiβ, so gebrauch man do nit nie denn die gegewurtig farb da zu; wan du die machen wilt, do zu nym zwey lot koppher eschen vnd j lot grün glas, das heist man grüne perllin, dar auβ macht man pater noster, vnd das ist die temperyrung: Wiltu der matery vil machen, so nymstu yedes dester me vnd reybest das ab mit lauterm wasser auf einem herten stein, wann es muβ gar wol geryben sein; wenn du sie geryben hast ij stund oder iij, das sie dich dunckest, sie hab sein genung, so stoβ sie auf klein heöfflin auf dem stein vnd laβ sie dar auf trucken werden. Unv darnach, wenn du sie wilt (// f. 48r) brauchen, so nym vnd mach ein starck gummy wasser, da mit temperirstu die selb varb in iij oder iiij vergleste scherblin, ye albeg eine düner denn die andern; do mit machstu was du wilt