de aqua
De aqua gummi faciendum Recipe gummi arabicum wie vil du wild vnd leg das in ain leinen tůch pint es zw samen vnd pleu es piβ es zw puluer wirt in dem tůch so tů das puluer aus dem tůch in ain verglast scherblein der rain seẙ vnd geuβ darŭber schŏns wasser das es ains vingers dick darŭber gee vnd laβ also sten vber nacht hincz ez waich wirt vnd zertreib es mit ainem vinger gar wol vnder ainander vnd leg darzw ain settich weisser mirren dy lautter sey vnd laβ auch in dem wasser zergen vnd seich es dann durch ain tůch das es rain seẙ vnd dis wasser tů in ain rain glaβ das wasser sol als dick sein als ain ŏll