zw plaber tincken
Wildu machen plab tincken dy klain aus der federn get zw floriren so nym in ain tůch plab alz vil zw ainen mal als ain turnus pfenning vnd leg das in ain rain muschel vnd geuβ des wassers aus dem andern glaβ ain wenig darŭber vnd als vil anders prunnwasser auch darunder vnd la daz tůch dreystund nach ainander aus hincz die varb gancz aus dem tůch in dy muschel kŏm vnd schreib mit der varb ain wort oder zway sind dy půchstaben zw vaist so ist dy varb zu dick so tů czwen trophen oder dreẙ des vorgenanten wassers in dy muschel zw der varb vnd rŭr sẙ vnder ainander mit dem vinger so wirt sy gůt