Hye merck auch auf liecht roβlein varb sol man schettigen mit Indich das stet zw geleicher weis wol vnd zierleich als plab engelseri
Man sol mit indich schettigen auf liecht opperment gel das stet zw gleicher weiβ als engelseri Man sol auch mit Indich schettingen auf liechplab lasur daz stet zierlich Man sol schettigen mit lautterem rueβ Auf czẙnober vnd auf minẙ sol man schetigen mit saten roβlein Auf liecht roβlein sol man schetigen mit pariβrot Auf paris rot mit veẙel var Auf plab lasur sol man schettigen mit Indich oder mit satplaber tunkler varb Auf liechtgrŭn sol man schetigen mit laubgrŭn varb Oder auf gel sol man schetigen mit laubgrŭn oder mit roβlein oder mit parisrot Merk hie gar eben all dy varb domit man schetigen sol dy sullen sein vngemischt vnd sat an in selben