Aliud
Wiltu du scriben mit der vedern daz is wirt gestalt alz golt nym air toter wy vil du wilt und tue dy in ein glaz und bedekke daz wol mit eynem tuche daz keyn luft dar yn mag komen und heng ez aus an dy sunne und laz ez
F. 66
hangen alz lauge bis ez czu maden wirt zo nyn zocker und zu stoz ez klein und wirff daz in daz glaz und truff honig dor yn und tue daz vierczehen tage host du nicht zocker zo nym weiz mel und gib yn nicht me zu essen den zo vrist eyne dy andir bey den vierczehen tagen zo wird eyne made groz dy made nym und stech sy mit eyner noldyn und daz aus ir get daz temperier off eynem steyne mit gummi arabico alz eyn varbe und trenge iz oder an der sonne unde wen du denne schreiben wilt zo temperier iz mit gumi arabico und loz truge werden und slicht ez denne mit eyme czane