Ad faciendum pullum
Wiltu machen ein lym aus einer gelbum galreyt vnd wen man ez vor dy leute seczet vnd sy ez essen wolden daz ez wegleufft vnd spricht gaga zo erschreken dy leute zo nym ein hun vnd tu ez in ein camer vnd behald iz dor ynne drey tage adir vier vnd gib ym czu trinken den allerbesten wein den du magst gehaben zo wirt ez gar trunken zo rauff ym denne dy vedirn aus vnd wen iz denne
(//.f 71v)
schone gerauft wirt so sal man ym dy flögel obir daz houpt tun vnd nem ayner ayer .. vnd czu leg den gar wol vnd geslach daz hin do mit von wyne daz daz hun an ym hat zo verdekket ez an dem hunnnen vnd wirt gele vnd lege vnderlege ez den in czw schoffeln bedacket vnd secz ez vor dy leute vnd sich daz du dem hune dy beyne host gebunden mit czwen wedemen vnd gib ez denne czu essen vnd wen man ez czu leden sal zo man sneydet yn daz peyn zo fleust ez wegk