Wie man Rott Losch machen soll,
Wilttu wissen ein kunst, die ein vatter sein kindt nitt Lertt, biß an sein todtt betth, das ist wie man die Rotten Lösch ferben soll, Du solltt Nemen schafffeell, als vill du ir willtt haben, die on schmaltz vnd Aier gerbtt sein, so sollttu Nemen, alten harm, seudt den woll, vnd faim in biß es Lautter wirtt, vnd Nimb zwei theill, Lagga, vnd theill prissilgen, das tritt theill, allaun, Leg das alles mitt Einander, in den harm, vnd Laß erwallen, vnd Rur das mitt weissem holtzs biß es sein genugk wirtt, vnd das holtz Rott wirtt als ein bluth, Darnach streichs vff ein tuch, Ich Mein aber die feell, biß sie Rott genugk werden. vnd truckes dan an der sonne, so ists gerecht,