Willttu span grön Machen,
So Nimb kupffer, als vill du willtt, vnd schlag das zu klingen, vnd durch iglichs klingen ein loch, vnd Nimb klar von Aiern, vnd mach das eben dickh mitt saltz, streichs vmb die klingen, vnd henckh sie an Eissene hecklich vber den Essigk vber ein haffen, an einem Brett mitt kleinen hecklich, vnd setz ihn an ein warme statt, vnd Laß es vier wochen steen, so hatt der essigk der Edlen blomen, auß dem kupffer, gezogen, vnd das kupffer ist gutt spanisch grön worden. streich das von den klingen, von einem Reinen holtz, in ein glaß, vnd henckh dan die klingen wider an die häcklin, als vor mitt clar, vnd saltz, als lang biß die die clingen b* gar, zw spenisch grön sein worden vnd Nimb die klingen als vill du willt, vnd als du dan der haben willtt