Zin Nober Zu Machen
So Nimb zwei pfundt Zweffels, vnd iij pfundt Quecksilbers, vnd Zerlaß des Ersten, den Zweffell, ob ob den khollen, In Einem verglaßten scherben, vnd wan der Zweffell zergangen ist, so Nimb Mercurium, vnd fur in darein je ein wenigk, vnd aber ein wenigk, vnd thue das als Langk. biß du des Mercurium Nimer sihest, vnd thue die pulffer in ein glaß. das oben Engk sej, die selbigen gleßlin heißt Man Munnlein, vnd setz das in einen windt offen vnd mach des Ersten ein clein feur mitt kollen daruntter vnd das feur halt clein bei 4 stunden, darnach mach es ie Lenger ie besser, vnd Laß den Zinober vff dem feur wol 12 stundt, auch wan das pulffer vber sich steigtt im glas so Laß es oben nitt Zubackhen, vnd stoß allweg mitt Einem holtzlein auff, Merckh es soll auch, das glaß, mitt dem Zinober dem zweiten theill Leer sein, anders es zerspringkt,