To make aurum misticum

{f.39v line 13:} To make aurum misticum: — take a vyele
of glas, and lute hit welle, or elles a longe
erthyne potte; and take j. li. of salle
armoniac, j. li. of sulphere, j. li. of mercury
crude, j. li. of tynne: melt thyne tynne, and
than caste thy mercury therein, and
{f.40r:} so alle the othere by-foreseyde; and grynd
all thyes togedyre opone a stone, and thanne
put alle thyes togedyre into a vyole,
or into ane erthyne pote, and stoppe alle
the mowthe thereof, safe only a lytelle
hole, as a spowte of a pauper or a per-
-chemyne may be set thereinne; and than set
hit overe the fyre in a furneyse, but furst
make an esy fyre, and afterward a good
fyre the space of xxiiij. howrys, to thou
se no more brethe come owte of the
glas, and than take hit fro the fyre,
and breke the glasse.