• Flores in uarios qui uult mutare colores
Causa scribendi quos libri pagina poscit
Est opus ut segetes in summo mane pererret
Et tunc diuersos flores ortuque recentes
Inuenies properetque decerpere eosden.
Cumque domum fuerit caueat ne ponat in unum
Illos sed faciat quod talis res sibi querit
/ f.17 /
Desuper equalem petram contriueris istos
Floris incoctum pariter tum contere gipsum
Sic tibi siccatos poteris seruare colores
Et quibus in uiridem si uis mutare colorem
Calcem commisce cum floribus inde uidebis
Quod tibi mandaui uerum uelus ipse probaui.