• E vitro si quis depingere uascula querit
Eligat ipse duas rufo de marmore petras
Inter quas uitrum romanum conteret et cum
Ut puluis terre fuerit pariter resolutum
Hoc faciet liquidum clara pinguedine gummi
Post hoc depingat petulas quas finxit honeste
Figulus. Hoc facto succense imponat easdem
Fornaci caueatque simul quod terra probata
Has teneat quo sic ualeat obstare colori
Illas qui facies plena uirtute nitentes.